بدخشانك « 1 » ايلچيسى خواجه تاج الدين دخى كلوب جمع اولملريله ماه صفرك اوننجى كونى ختاى ايلچلريله معا سمرقنددن حركت اولنوب ربيع الاولك دردنجى كونى تاشكنده و اون اوچنجى كونى سيرامه و غرهء ربيع الاخرده اشبره‌يه و يكرمى برنده مغول مملكتنه واريلدى . فصل بهار و اكثر يرلر لطيف چمنزار اولمغله هركون كيديلور كن ناكاه اويس خان « 2 » شير محمد اوغلانى « 3 » قتل

--> ( 1 ) شاه بدخشان - محمود شاه نامنده برذاتدر . ميرزا شاهرخ سلطانك متفق و محبى ايدى . 825 سنه سنده بدخشان ملك‌زاده‌لرندن ارغونشاه ايله برلكده خراسانه كلوب شاهرخ سلطان ايله كورشدى . بيوك حرمت و رعايتلره مظهر اولوب مملكتنه عودت ايلدى . ميرزا شاهرخ سلطان ايله مخدوملرينك ايلچيلريله ختايه كيدن خواجه تاج الدين بوذاتك ايلچيسى در . ( 2 ) اويس خان - جغتاى بن چنكيز خان احفادندن و مغولستان ملوكندندر پدرى شير على ايله محمد اوغلان و شمع جهان برادرلر ايدى . بينلرندن عظيم قتال واقع اولوب محمد خان ، خانلقده مستقر اولدى . برادرلرى ايله بر مدت صلح ايتمش ايسه ده عاقبت شمع جهان خانلغى الندن آلدى . صكره محمد خان بتكرار غالب كله‌رك سرير حكومته كچدى و 82 سنه سنده وفات ايتدى . يرينه شمع جهانك اوغلى نقش جهان قائم اولدى . لكن چوق كچمه دن مقتول اولوب عمجه‌زاده سى اويس خان بن شير على پادشاه اولدى . بوذاتك دخى ختايه ايلچى كوندرديكى آشاغى ده كوريله جكدر . ( 3 ) شير محمد اوغلان - اويس خان بحثنده اسمى كچن نقش جهانك اوغليدر . اويس خانك اوزرينه خروج ايتمشدركه ايلجيلرك آنك حدودينه و صوللرى اوائل خروجنه مصادف ايدى . اويس خان ايله بينلرنده مقاتلات عظيمه وقوع بولدى . بعده اويس خانه غلبه و قتل ايدرك يرينه مغولستان خانى اولمشدر بوسلاله 972 تاريخنه قدر مغولستانده حكومت اتمشدر .